25 գործիք, որոնք կհեշտացնեն ձեր աշխատանքը

Դիջիթալ աշխարհը փոփոխվում ու զարգանում է ամեն օր: Ժամանակին համընթաց քայլելու համար անհրաժեշ է իմանալ այն գործիքները, որոնք բավականին հեշտացնում են մեր աշխատանքը թվային հարթակներում: Ճիշտ գործիքներով աշխատելը ոչ միայն հեշտացնում է մեր գործը, այլև հնարավորություն է տալիս ժամանակ խնայել ու ավելի պրոդուկտիվ լինել:

Այս բլոգում ձեզ ենք ներկայացնում 25 դիջիթալ գործիք, որոնց շնորհիվ կհեշտացնեք ձեր աշխատանքն ու ժամանակ կխնայեք:

Անվճար և Վճարովի սոցիալական մեդիա գործիքներ

Wyng – Wyng-ը ներգրավող մարքեթինգային պլատֆորմ է, որը կենտրոնանում է յուզերակենտրոն կոնտենտի, հաշթագ արշավների, քուիզերի, մրցույթների ու տարբեր միջոցով ներգրավվածություն ապահովելու վրա: Այս գործիքը կենտրոնանում է ընդունված ներգրավման ու կոնվերսիայի ձևերը փոխելու վրա: Գործիքն օգտագործելն անվճար է:

Sprout Social – Sprout-ը բիզնեսի համար սոցիալական մեդիա մենեջմենթի, օպտիմալացման և ներգրավման պլատֆորմ է, որը հեշտացնում է ներկա և հավանական հաճախորդների արդյունավետ ներգրավումը: Այս գործիքի ամսական արժեքը 99 դոլար է:

Facebook’s Power Editor – Սա Ֆեյսբուքի սեփական գործիքն է, որի միջոցով ստեղծում ու գործարկում են հիպեր-հատուկ գովազդային արշավներ: Սկսնակ մարքեթոլոգների համար սա դիջիթալ մարքեթինգի լավագույն գործիքներից է, քանի որ այն հնարավորություն է տալիս թիրախավորել կոնկրետ լսարանի: Հնարավորություն կա նաև սահմանափակելու բյուջեն, որպեսզի խուսափեք «բյուջետային պայթյուններից»:

Buffer – Վեբի և հեռախոսների համար նախատեսված հավելված է, որը սոցիալական ըքաունթները կառավարելու համար է: Առավելությունն այն է, որ Թվիթերի, Ֆեյսբուքի, Ինստագրամի և Լինքդինի փոստերը ցուցակագրելուց բացի, հնարավոր է նաև վերլուծել արդյունքները և ապահովել ներգրավվածություն:

Hootsuite – Ինչպես Buffer-ը, Hootsuite-ը նույնպես սոցիալական հարթակները կառավարելու պլատֆորմ է: Այս գործիքն ունի դեշբորդ հիշեցնող ինտերֆեյս և թույլ է տալիս մեկ էջից կառավարել Թվիթերի, Ֆեյսբուքի, Ինստագրամի, Լինքդինի, Գուգլո պլյուսի և Յութուբի էջերը:

Վեբ կայքի վերլուծական գործիքներ

Kissmetrics – Այս պլատֆորմը հիմնել է դիջիթալ աշխարհը «կառավարողներից» Նեիլ Պատելը: Այս գործիքի նպատակն է օգնել ձեզ հասկանալ, թե մարքեթինգային որ արշավներն են աշխատում, որոնք՝ ոչ: Համակարգը նախատեսված է նաև կայքից ինչ-որ բան գնելուց առաջ և հետո հաճախորդների «վարքի» մասին ինֆորմացիան պահելու և դատայի տեսքով ունենալու համար:

Google Analytics – Վեբ կայքերի մեծ մասի համար այս գործիքը համարվում է ոսկե միջինը: Գուգլը բարելավել է իր վերլուծական գործիքը և կարող է տալ տարբեր տեսակի ինֆորմացիա, ներառյալ՝ ովքեր են ձեր այցելուները, ինչպես են «իրենց դրսևորում» վաճառքի ձագարում (sales funnel) և ինչ են անում ձեր կայքում այս պահին:

Visual Website Optimizer (VWO) – Այս գործիքի միջոցով կարող եք A/B թեսթինգ անել՝ տարբեր գրաֆիկական և տեքստային օն-փեյջ էլեմենտների հետ: Այն հնարավորություն է տալիս նաև գրառել հաճախորդների սեսիաները՝ փլեյբեք վերլուծության համար: VWO-ն առաջարկում է անվճար օգտագործել իր գործիքը և խնդրում է կապվել իրենց հետ գինն իմանալու համար:

SimilarWeb – Վեբ կայքերի դատա հավաքող կազմակերպություն է, որն օգտագործում է դատայի տարատեսակ կետեր ամբողջական դատա կազմելու համար: Այն կարող եք օգտագործվել մրցակիցների մասին օգտակար ինֆորմացիաներ ունենալու համար: Այս համակարգը օգտակար ինֆորմացիա է տալիս  մարքեթինգի, վաճառքի և ուսումնասիրության համար: Հիմնական սահմանափակ պլանն անվճար է:

SEO գործիքներ

Moz – Moz-ն իր օգտատերերին առաջարկում է 2 պրոդուկտ. Moz Pro և Moz Local. Առաջինն օգնում է պրոդուկտին դասական SEO-ով, ինչպիսին է ռենքինգին հետևելը, լինք բիլդինգի մոնիտորինգը և կոնտենտ մարքեթինգի արշավների մասին տեղեկացնելը: Moz Local-ը բիզնեսին օգնում է բարելավել տեղական SEO լիսթինգը: Ընդամենը պետք է մուտքագրել ձեր բիզնես լոկացիան: Մնացած գործը Moz-ը կանի:

SEMRush – SEMRush-ը մի աշխարհ պատրաստի դիջիթալ մարքեթինգային գործիքներ ունի, որոնք օգնում են և վճարովի որոնողական համակարգերին, և SEO-ին հետևողներին բարելավել իրենց որոնողական ռենքինգը: SEMRush-ի առավելությունն այն է, որ դրանով կարող եք հետևել ձեր մրցակիցներին: Այս գործիքով հնարավոր է դուրս հանել մրցակիցների բեքլինքերը, հետևել ռենքինգի տատանումներին և մրցակիցների վերլուծություն անել:

Google Search Console – Սա նախկինում հայտնի Google Webmaster Tool-ն է: Սա այն գործիքն է, որը կարող է օգտագործել ցանկացած վեբ կայքի տեր, վեբմաստեր, վեբ մարքեթեր և Որոնողական համակարգի օպտիմայզեր՝ մոնիտորինգ անելու և իրենց կայքի ներկայությունը Գուգլի որոնողական արդյունքներում ապահովելու համար: Սա Գուգլի անվճար ծառայություն է: Գործիքի հիմնական հատկություններն են՝ Search Appearance-ը, Որոնողական տրաֆիկը, Գուգլ ինդեքսը, Crawl status-ը, Անվտանգության խնդիրները և այլն:

Ahrefs – Ի սկզբանե եղել է բեքլինքերի վերլուծության գործիք, որը թույլ է տվել մարքեթոլոգներին արագ բացահայտել, թե որ վեբ կայքերն են կցված իրենց կայքին, և, որ ավելի կարևոր է, թե ինչ բեքլինքեր ունեն մրցակիցները: Այժմ Ahrefs-ը, բացի բեքլինքերի մասին ինֆորմացիա տրամադրելուց, տալիս է նաև ամբողջական Որոնողական համակարգի մարքեթինգի փաթեթ, որը ներառում է այնպիսի գործիքներ, ինչպիսին են մրցակիցների կոնտենտի վերլուծությունը, մրցակիցների ռենք անող բանալի բառերի բացահայտումը, ինչ վճարովի գովազդներ ունեն և այլն:

DeepCrawl – Այս գործիքը կարող եք օգտագործել ձեր SEO-ն բարելավելու, , դատան վերլուծելու, վեբ կայքը, բեքլինքերը, սայթմեփերը և URL ցուցակները crawl անելու համար: Այն լավ է մասնավորապես Տեխնիկական աուդիտի, Լինք աուդիտի, Լենդինգ էջերի վերլուծության, Մրցակիցների վերլուծության և մի շարք այլ կարևոր վերլուծությունների համար:

Email մարքեթինգ գործիքներ

Hubspot – Սա ներքին մարքեթինգի և վաճառքի գործիք է, որի պրոդուկտները և ծառայությունները նպատակ ունեն տրամադրել գործիքներ սոցիալական մեդիա մարքեթինգի, կոնտենտ մենեջմենտի, վեբ անալիտիկայի և որոնողական համակարգի օպտիմալացման համար:

MailChimp – Ոլորտի առաջատար MailChimp-ը e-mail մարքեթինգի հսկաներից է: Միայն անցած տարի յուզերներն ուղարկել են ավելի քան 250 միլիարդ e-mail: Առավելությունն այն է, որ ծառայության գինը կախված է ձեր e-mail ցուցակի քանակից: Նրանց “Forever free” փաթեթը շատ հարմար է սկսնակ մարքեթոլոգների համար:

GetResponse – Այս գործիքն առաջարկում է պարզ, բայց հզոր լուծումների ամբողջական փաթեթ, որը կօգնի և մեծ, և փորք ընկերություններին, որոնք ուզում են էֆեկտիվ գործունեություն ու մարքեթինգային ROI ապահովող ու մեծ ազդեցություն ունեցող արշավներ ունենալ:

ZoHo – ZoHo-ն կենտրոնացած է web-based բիզնես գործիքների և ինֆորմացիոն տեխնոլոգիաների խնդիրները լուծելու վրա, ներառյալ office tools suite, internet of things management platform և IT software մենեջմենտի ամբողջական փաթեթ:

Emma – Եթե կարծում եք, որ ինչ-որ մեկը իր աղջկա անունով է կոչել այս գործիքը, ապա սխալվում եք: Emma անվանումը բացվում է որպես email marketing J Սա իր հզոր հատկանիշները բեքափ անող ուժեղ հարթակ է, որն ունի անհրաժեշտ ամեն ինչ սեփական մարքեթինգային արշավներ ստեղծելու և թեսթինգ անելու համար:

Դիսփլեյ վերաթիրախավորման գործիքներ

AdRoll – Վերաթիրախավորման ամենահայտնի գործիքներից է: Այս հարթակը առաջարկում է ինքնասպասարկման պլատֆորմ, բայց կարող եք դիմել նաև իր աշխատողների օգնությանը, եթե կարիք լինի: AdRoll-ի խելահեղ հաջողություններից է 35% ցածր CPC-ն 265% վաճառքի բարձրացման դեպքերը:

ReTargeter – Այս գործիքը օգտագործում են վերաթիրախավորման, որոնողական վերաթիրախավորման և դինամիկ վերաթիրախավորման համար: Կարող եք օգտագործել ինքներդ, կամ օգտվել ReTargeter-ի թիմի օգնությունից, և նրանք կանենք ամեն ինչ ձեր փոխարեն:

Վեբ կայքի թեստավորման գործիքներ

Unbounce – Սա հրաշալի գործիք է արագ լենդինգ էջեր կառուցելու, թեսթավորելու և հրապարակելու համար: Unbounce-ի ֆանտաստիկ հատկությունն այն է, որ դրանով հեշտ է ստեղծել բրենդային էջեր: Անգամ եթե դիզայներ չեք, կարող եք օգտագործել հասանելի ձևանմուշներ, հետո հարմարացնել ձեր ոճին:

Oracle Maxymiser – Այս գործիքով հնարավոր է ստուգել ոչ միայն լենդինգ էջերը, այլև ցանկացած կայքի տարբեր ասպեկտներ: Այն նաև ունի մի քանի թեսթինգ միաժամանակ անելու հնարավորություն:

Optimizely – Այս գործիքն ունի և վիզուալ ստեղծման, և ուժեղ թիրախավորման պլատֆորմ, որը հեշտացնում է որոշակի խմբի յուզերների համար ինչ-որ բան ստեղծելը և թիրախավորելը: Ընկերությունն ունի նաև մեծ քանակությամբ գործընկերներ, որոնք կենտրոնացնում են հաճախորդների դատան՝ տարբեր թեսթերի համար:

Եզրակացություն

Մենք ընտրել ենք դիջիթալ մարքեթինգի 25 ամենաճանաչված ու վարկանիշային գործիքները, որոնց ծանոթանալը SEO-ն բարելավելու, դիջիթալ հարթակում աշխատանքը հեշտացնելու ու ավելի պրոդուկտիվ լինելու միայն առաջին քայլն է: Ներբեռնեք գործիքներից մի քանիսի անվճար տարբերակը, փորձարկեք դրանք ու ինքներդ համոզվեք դրանց արդյունավետության մեջ: